Börn sem skoða aðra eða báðar sýningar Landnámsseturs fá skemmtilega möppu að gjöf. Í möppunnni er að finna fyrsta sögukaflann í ævitýrinu um Sögu, 9 ára stelpu og álfastrákinn Jökul. Í Landnámssetrinu fær barnið afhenta nýjan sögukafla, kafla um hvernig Saga með snarræði bjargaði Jökli úr miklum hremmingum.
Alls hittast Saga og Jökull á 10 stöðum á Vesturlandi og á hverjum stað gerist nýtt ævintýri sem sagt er frá í sögukafla sem barnið fær afhent á staðnum og getur bætt í möppuna.
Einnig þarf að passa að fá stimpil í möppuna til að færa heim sönnun á að búið er að heimsækja viðkomandi stað.
Þegar stimplarnir eru orðnir fimm, fær barnið litla gjöf og svo aftur þegar stimplarnir eru orðnir tíu.
Á kortinu sérðu á hvaða stöðum hægt er að nálgast möppu eða sögukafla um Sögu og Jökul.
SJÁUMST Á VESTURLANDI Í SUMAR
