Tónlistarmennirnir Valdimar Guðmundsson, Snorri Helgason, Teitur Magnússon, Örn Eldjárn og Jón Mýrdal eru Gosar. Þeir sameina krafta sína í Landnámssetrinu í Borgarnesi föstudagskvöldið 25. nóvember.

Þessir menn eru gamlir og góðir vinir og hafa lengi verið að spila saman músík og ákváðu því að setja saman dagskrá þar sem þeir spila undir hjá hvorum öðrum og hjálpast að við að spila íslensk lög úr öllum áttum sem þeir halda mikið upp á. Úr varð 20 laga fjölbreyttur og skemmtilegur pakki þar sem söngur og ákústískur hljóðfæraleikur er í forgrunni.

Hús opnar kl. 21 og hefst dagskráin kl. 21:30.
Miðaverð 3.500 kr..