60 gjörningar á 6 dögum.
Frá 22. – 27. júní næstkomandi mun Aðalheiður S. Eysteinsdóttir fara hringferð um landið með 60 gjörninga í tilefni af sextugs afmæli sínu. Með í för verður úrval listafólks víða að sem bæði sér um sína eigin gjörninga og tekur þátt í gjörningum Aðalheiðar.

Eins og einhverjir muna hefur Aðalheiður haldið uppá stórafmæli sín með 40 sýningum á 40 dögum og 50 sýningum á 5 árum. Það er því í beinu framhaldi sem settir verða upp 60 gjörningar á 6 dögum.

Öll eru velkomin að slást í för á hvaða tímapunkti sem er og fylgjast með gjörningunum sem verða 10 talsins dag hvern. Hér að neðan er listi yfir það listafólk sem tekur þátt og dagskráin tímasett svo hægt sé að fylgjast með. Einnig verður uppfært á vegg Aðalheiðar á facebook daglega.
Verið velkomin.

Hér má sjá uppfært tímaplan: Sunnudagur 25. júní

kl. 10.00 Selfoss, Jaðar (við skóglendið) → Aðalheiður S. Eysteinsdóttir og Ásthildur Magnúsdóttir.
kl. 11.00 Hveragerði, Listasafn Árnesinga → Aðalheiður S. Eysteinsdóttir.
kl. 11.40 Sundlaugin í Hveragerði → Freyja Reynisdóttir.
kl. 13.40 Náttúran milli Hveragerðis og Mosfellsbæjar → Margrét Guðbrandsdóttir.
kl. 15.00 Mosfellsbær, Álafosskvosin → Aðalheiður S. Eysteinsdóttir og Davíð Þór Jónsson.
kl. 16.00 Reykjavík, Kjarvalsstaðir → Aðalheiður S. Eysteinsdóttir og Tumi Árnason.
kl. 18.00 Borgarnes, Landnámssetrið → Aðalheiður S. Eysteinsdóttir og Eyjólfur Eyjólfsson.
kl. 18.20 Borgarnes, Landnámssetrið → Eyjólfur Eyjólfsson.
kl. 19.00 Brákarey → Brák Jónsdóttir.
kl. 22.00 Stykkishólmur (á tjaldstæðinu) → Aðalheiður S. Eysteinsdóttir.